შალვა ნათელაშვილმა ოპოზიციის მიერ მოწყობილ აქციაზე ტელეკომპანია „იმედზე“ ისაუბრა. მისი თქმით, „იმედი” უნდა გასამართლდეს. ამის შესახებ „ლეიბორისტული პარტიის“ ლიდერმა პარლამენტთან მიმდინარე აქციაზე განაცხადა.
„ეს ტელევიზია არის დანაშაულებრივი ინსტრუმენტი და ივანიშვილთან ერთად გასამართლდება“, – განაცხადა ნათელაშვილმა.
პარლამენტთან ოპოზიციის საპროტესტო აქცია მიმდინარეობს. ლიდერებმა ხელისუფლებას ულტიმატუმი წაუყენეს:
31 ოქტომბრის არჩევნების შედეგების არალეგიტიმურად ცნობა, რიგგარეშე არჩევნების ჩატარება და ცენტრალური საარჩევნო კომისიის ხელახალი დაკომპლექტება.
ასევე, ლიდერებმა იმ მსჯავრდებულების გათავისუფლება მოითხოვეს, რომლებსაც პოლიტპატიმრებად მიიჩნევენ. ამ მოთხოვნების შესასრულებლად მათ ხელისუფლებას დრო საღამოს 8 საათამდე მისცეს.
კომენტარები