შტურმის მოთავენი არიან ნიკანორ მელია და მისი ზონდერჯგუფის წევრები. ვაფრთხილებთ, რომ თითოეული მათგანი კანონის მთელი სიმკაცრით აგებს პასუხს, – ამის შსახებ პარტია „ქართული ოცნების“ ოფისში გამართულ ბრიფინგზე აღმასრულებელმა მდივანმა ირაკლი კობახიძემ განაცხადა.
მან კრიმინალად მოიხსენა ნიკანორ მელია და აღნიშნა, რომ იგი კანონის წინაშე მკაცრად აგებს პასუხს.
კობახიძემ გასული წლის 20 ივნისის ფაქტიც გაიხსენა.
„ამ საქმესთან დაკავშირებით აღძრულია სისხლის სამართლის საქმე, რომელიც ბოლომდე იქნება მიყვანილი. ამჯერადაც, შტურმის მოთავენი არიან ნიკანორ მელია და მისი ზონდერჯგუფის წევრები. ვაფრთხილებთ, რომ თითოეული მათგანი კანონის მთელი სიმკაცრით აგებს პასუხს“, – განაცხადა კობახიძემ.
კომენტარები