მოლაპარაკებების პროცესი გაგრძელდება და საბოლოოდ დასრულდება წარმატებით, ბევრი ადამიანია ოპოზიციაში, ვისთვისაც მიუღებელია, სტრატეგია, რითაც ახლა ოპოზიცია მოქმედებს, – ამის შესახებ პარტია „მოქალაქეები“ წევრმა, ლევან იოსელიანმა განაცხადა.
როგორც იოსელიანმა აღნიშნა, მიუღებელია საკითხისადმი რადიკალური მიდგომა.
„ყველა ხვდება, რომ ახლა შეთანხმება არის ერთადერთი სწორი გამოსავალი ამ ვითარებიდან. უნდა შევთანხმდეთ იმის ფასად, რომ ძალიან დიდი პოლიტიკური ფასი გადავახდევინოთ ხელისუფლებას გაყალბებულ არჩევნებში. გამოვიტანოთ ძალიან მაგარი დოკუმენტი, რომელიც ამ ქვეყანას ინსტიტუციურად წაიყვანს წინ, არა რევოლუციების, არა მღელვარების და არეულობის ხარჯზე. მოლაპარაკებებზე დარჩენილი წინადადებები დარჩება იგივე, ის წინადადებები არ გადაიხედება. ოპოზიციას წარდგენილი აქვს ოთხი მოთხოვნა და ამის ირგვლივ უნდა მოხდეს შეთანხება. ვხედავთ, რომ არსებობს რესურსი, ამ ოთხივე მოთხოვნის ირგვლივ შედგეს შეთანხება. ჩვენ რა თქმა უნდა, რიგგარეშე არჩევნების წინააღმდეგი არ ვართ, ჩვენ ვამბობთ, რომ რიგგარეშე არჩევნებს აზრი აქვს მხოლოდ იმ შემთვევაში, თუ საარჩევნო რეფორმირების პაკეტი გამოგვაქვს მოლაპარაკებების მაგიდიდან, თუ ეს პაკეტი გამოგვაქვს, როცა არ უნდა ჩატარდეს არჩევნები, მაშინ ოპოზიციას უჩნდება ძალინ დიდი შანსი, რომ არჩევნებში მიაღწიოს გამარჯვებას“, – განაცხადა იოსელიანმა.