ბიზნესმენები, რომლებმაც პარლამენტში შესვლის შესახებ განაცხადეს, ჩვენი პარტიის წევრები არ იყვნენ. პარტიის წევრი მხოლოდ ფრიდონ ინჯია იყო და მან დაწერა განცხადება წასვლის შესახებ, – ამის შესახებ „პატრიოტთა ალიანსის“ ლიდერმა, ირმა ინაშვილმა განაცხადა.
მისივე თქმით, არსებობდა შეთანხმება, რომ პარლამენტში შესვლის შემთხვევაში ფრიდონ ინჯიას პარტიის დატოვება მოუწევდა.
„ჩვენი პარტიის წევრები არ შესულან პარლამენტში. რამდენჯერმე აღვნიშნე, რომ ბიზნესმენები, რომლებმაც პარლამენტში შესვლის შესახებ განაცხადეს, არ იყვნენ ჩვენი პარტიის წევრები. პარტიის წევრი იყო მხოლოდ ფრიდონ ინჯია, რომელმაც დაწერა განცხადება. ჩვენ ზუსტად ეს შეთანხმება გვქონდა, რომ თუ ფრიდონ ინჯია გადაწყვეტდა პარლამენტში შესვლას, მას მოუწევდა პარტიის დატოვება, რადგან პოლიტიკური პარტია „პატრიოტთა ალიანსი“ ამბობდა, რომ არ შევა გაყალბებული გზით ჩამოყალიბებულ პარლამენტში. გოჩა თევდორაძეს ჰქონდა მასთან კომუნიკაცია და ზუსტად ის გადაწყვეტილება მიიღო ფრიდონ ინჯიამ, რაზეც შევთანხმდით. მან განცხადება დაწერა და ჩვენ დავაკმაყოფილეთ“, – განაცხადა ირმა ინაშვილმა.