ნიკა მელიასთან და გირაოსთან დაკავშირებით, ერთი მნიშვნელოვანი ფაქტორია: ვინმე უნდა „ჩაჯდეს“, რომ იქნებ, დასავლეთის სიმპატია ცოტა შენელდეს და შენიშვნა თქვას. ის ჯერ „ნაციონალური მოძრაობის“ თავმჯდომარედ აირჩიეს და ახლა ყველაფერს აკეთებენ, რომ იქნებ, როგორმე ციხეში მოხვდეს და აშშ-ს ახალმა ადმინისტრაციამ თითი დაგვიქნიოს, – ამის შესახებ გია ვოლსკიმ „დღის ქრონიკაში“ განაცხადა.
გია ვოლსკიმ რადიკალური ოპოზიციის ქმედებებში ნიკა გვარამიას ფაქტორზეც ისაუბრა.
„რა ღირსებაზე მელაპარაკები, როცა ამხელა კაცი ზიხარ და გვარამია გეუბნება, საცივში გაქვს თავი ჩაყოფილი, ამოყავი თავი, მიმოიხედე, ღომი და ყველი თუ გიდევთ, რას შვებით ამ პოლიტიკურ თემაშიო, ვერავინ შეეპასუხა. ერთმა უპასუხა, ამოვყავიო. ამ სიტუაციაში, მელია არის შემავსებელი ფაქტორი, ინტელექტუალური ნაწილის, რომელსაც გვარამია წარმოადგენს და რომელიც არ არის ტელევიზიის ხელმძღვანელი. ისაა პოლიტკური ლიდერი და მეორე – „შტრუმავიკების“ ბრიგადის ხელმძღვანელი, ზონდერ – ბრიგადა მელიას ხელმძღვანელობით. ამით ჩანს, რაც ხდება პოლიტიკურ დაფაზე“ – განაცხადა გია ვოლსკიმ.