თავდაცვის მინისტრი ირაკლი ღარიბაშვილი პარლამენტში მივიდა.
თავდაცვის მინისტრი პარლამენტის ნდობის ჯგუფის სხდომაზე, უწყების მიერ 2020 წელს განხორციელებული საიდუმლო საქმიანობისა და სპეციალური პროგრამების შესახებ ანგარიშს წარადგენს.
როგორც თავდაცვის კომიტეტის თავმჯდომარე ირაკლი ბერაიამ სხდომის დაწყებამდე ჟურნალისტებთან განაცხადა, საზოგადოებისთვის ცნობილია იმ რეფორმების შესახებ, რასაც უწყება ახორციელებს, რაც შეეხება უწყების საქმიანობის არასაჯარო ნაწილს, ნდობის ჯგუფში მოსმენა სწორედ ამ ნაწილის გაცნობას და მასზე საპარლამენტო ზედამხედველობას ემსახურება.
„ინფორმაცია, რომელიც ნდობის ჯგუფში ისმინება, მოიცავს უწყების საქმიანობის არასაჯარო ნაწილს. ეს უკავშირდება როგორც საბრძოლო მზადყოფნის ამაღლებას, შეიარაღებას, აღჭურვილობის მოდერნიზაციას, ინფრასტრუქტურას, ლოჯისტიკას და ყველა იმ მიმართულებას, რასაც ახორციელებს უწყება ჩვენი ქვეყნის თავდაცვისინარიანობის განმტკიცების მიზნით,“ – განაცხადა ირაკლი ბერაიამ.