პარლამენტი საბავშვო ბაღი არ არის, სადაც შეიძლება მიხვიდე ხუთშაბათს და არ მიხვიდე ორშაბათს ან შაბათს და თქვა, რომ ავად ხარ – ეს ყველაფერი სასაცილოა, – ამის შესახებ უმრავლესობის დეპუტატმა, ნიკოლოზ სამხარაძემ „რესპუბლიკელთა“ ინიციატივაზე საუბრისას განაცხადა.
„ეს არის როგორც პარლამენტის, ასევე სახელმწიფოს უპატივცემულობა და შეურაცხყოფა, როცა შენთვის მნიშვნელოვან, ასეთ მერკანტილურ საკითხებზე შეგიძლია თქვა, მივალ და ხელს ღილაკს მივაჭერ და დანარჩენი თემები – ეკონომიკური განვითარება, საგარეო პოლიტიკა და სოციალური თემა არ გაინტერესებს. ეს არის თვითლუსტრაცია. ოპოზიციამ საკუთარი სახე კიდევ ერთხელ გამოაჩინა“, – განუცხადა ჟურნალისტებს სამხარაძემ.
კომენტარები