პაატა ბურჭულაძე ნამდვილად იმსახურებს სიმპათიას, როგორც საამაყო მომღერალი, მაგრამ ადამიანი, რომელიც ახლა იბრალებს ან აბრალებენ, რომ ის არის თურმე მოსული მხსნელად და ბედნიერებისკენ უნდა წაიყვანოს საქართველო, ძალიან თეატრალურია, – ამის შესახებ ”ქართული ოცნების” ერთ-ერთმა დეპუტატმა ნუკრი ქანთარიამ დღეს გამართულ პრესკონფერენციაზე განაცხადა.
”ეს არის მართული პროცესი და პირდაპირ დაკავშირებულია ოდესასთან. ”ნაციონალური მოძრაობაც” არც გამორიცხავს, რომ ეს ორი ჯგუფი შეერთდნენ. ეს წმინდა ნაციონალური რეჟიმის პროექტია, ძალიან შეფარული.
მე თანავუგრძნობ ბატონ პაატას იმიტომ, რომ მისი დაგროვილი პროფესიული სიკეთე და სიყვარული ძალიან უცბად გაქარწყდება.
ის დრო დამთავრდა, რომ პროფესიულად წარმატებულ ადამიანს თავისი მოპოვებული ავტორიტეტი გადაჰქონდა პოლიტიკაში”, – განაცხადა ქანთარიამ და აქვე აღნიშნა, პაატა ბურჭულაძეც მალე მიხვდება, რამდენად დიდი ტვირთი აიკიდა.
