უკრაინაში გარდაცვლილი დავით გამსახურდია უკრაინის მოქალაქეა

უკრაინაში, საომარი მოქმედებების დროს გარდაცვლილი დავით გამსახურდია უკრაინის მოქალაქეა, – ამის შესახებ  საქართველოს საგარეო სამინისტროში განაცხადეს.
მათი ინფორმაციით, დავით გამსახურდია წლების განმავლობაში უკრაინის დასავლეთ ნაწილში, ქ. უჟგოროდში ცხოვრობდა და ის საქართველოს მოქალაქე არ ყოფილა. უწყების ცნობით, მას დედა უკრაინელი ჰყავდა და ოჯახი იქ ცხოვრობდა.
შეგახსენებთ, რომ უკრაინულმა მედიამ ქართველი მებრძოლის დაღუპვის შესახებ ინფორმაცია დღეს გაავრცელა. მათი ცნობით, საუბარია უკრაინის შეიარაღებული ძალების 128-ე ბრიგადის ჯარისკაცზე, 26 წლის დავით გამსახურდიაზე, რომელიც დონეცკის თვითგამოცხადებულ რესპუბლიკასთან საბრძოლო მოქმედებების დროს დაიღუპა. რამდენადაც ცნობილია, გამსახურდია 16 სექტემბერს მძიმედ დაჭრეს, სიცოცხლესთან შეუთავსებელი ჭრილობების შედეგად, ის საავადმყოფოში გარდაიცვალა.