გერმანიაში დაკავებული სირიელი ლტოლვილი ბერლინის აეროპორტში ამზადებდა ტერაქტს. ამის შესახებ გერმანიის კონსტიტუციის დაცვის ფედერალური უწყების ხელმძღვანელმა ჰანს-გეორგ მაასენმა ჟურნალისტებს განუცხადა.
მისი თქმით, სპეცსამსახურებმა სექტემბრის დასაწყისში მოიპოვეს ინფორმაცია, რომ დაჯგუფება „ისლამური სახელმწიფო“ გერმანიის სატრანსპორტო ინფრასტრუქტურაზე თავდასხმებს გეგმავდა.
მოგვიანებით აღმოჩნდა, რომ ტერაქტის განხორციელება დაევალა სირიის მოქალაქე, 22 წლის ჯაბერ ალ-ბაქრს, რომელის გერმანიაში გასული წლის თებერვალში ჩავიდა და მალევე ლტოლვილის სტატუსი მოიპოვა.
ალ-ჯაბერი გუშინ, სპეცოპერაციის შედეგად დააკავეს, მის ბინაში კი, დაახლოებით 1,5 კილოგრამი ასაფეთქებელი ნივთიერება აღმოაჩინეს.
კომენტარები