ალერგოლოგ-იმუნოლოგმა ბიძინა კულუმბეგოვმა ტელეკომპანია „იმედის“ ეთერში, გადაცემაში „იმედის დილა“ „ასტრაზენეკას“ ვაქცინის მარაგის ათვისების შესახებ ისაუბრა.
„ასტრაზენეკას“ ვაქცინას ვადა ამოეწურება 31 მაისს. ამ ვაქცინაზე, ძალიან ბევრი ადამიანი მეორედ ვაქცინაციას ელოდება. მხოლოდ 10 ათასამდე დოზა რჩება, რომელიც განკუთვნილია 55 წლამდე ასაკის ადამიანებისთვის. რა თქმა უნდა, მსჯელობა იქნება „ასტრაზენეკას“ ასაკობრივ ზღურბლთან დაკავშირებით, მისი მოდიფიცირება იგეგმება. ჩვენ არ გვაქვს ერთი დოზის გამოუყენებლობის უფლებაც, ეს სრული კატასტროფა იქნება. მას აუცილებლად ავითვისებთ. მერწმუნეთ, ერთი თვის განმავლობაში, არ დარჩება გამოუყენებელი. ვაქცინაციაში კიდევ 100-ზე მეტი ცენტრი ჩაერთვება“, – აღნიშნა ბიძინა კულუმბეგოვმა.
კომენტარები