საქართველოს პარლამენტის თავმჯდომარე კახა კუჭავა ლეგენდარული მსახიობის, კახი კავსაძის გარდაცვალების გამო მწუხარებას გამოთქვამს.
„ძალიან ვწუხვარ ყველასთვის საყვარელი მსახიობის, ქართული კინოსა და თეატრის ლეგენდის, კახი კავსაძის გარდაცვალების გამო. იგი უყვარდა თანაბრად ყველას. კახი კავსაძემ თავისი შემოქმედებით, განსახიერებული როლებით კაცთმოყვარეობის, პატრიოტიზმის, ვაჟკაცობის მაგალითები მოგვცა და დაგვიტოვა.
პარლამენტის სახელით, ვუსამძიმრებ ბატონი კახის ოჯახს, ახლობლებსა და სრულიად საქართველოს“, – აცხადებს კახა კუჭავა.
კომენტარები