თბილისის მერმა დავით ნარმანიამ „თბილისზე მზრუნველი“ 7 ადამიანი დააჯილდოვა.
„თბილისზე მზრუნველის“ ჯილდო წელს რესტავრატორ ლელა ნინოშვილს, თბილისის სასწრაფო სამედიცინო დახმარების ცენტრის ექიმ მაია სვანიშვილს, 41-ე ბაღის დირექტორ მაყვალა ჩუბინიძეს, ბიბლიოთეკარ ნანა ხომერიკს, მეტროს მემანქანე შაქრო ხვედელიძეს, N19 ხელოვნების სკოლის დირექტორ თამაზ მოლაშვილსა და რესტავრატორ ზაზა ჯალალს გადაეცათ. დედაქალაქის მერმა დავით ნარმანიამ „თბილისზე მზრუნველებს“ სიმბოლური საჩუქრები – სიგელები და მედალიონები გადასცა.
„გილოცავთ! თითოეული თქვენგანი დედაქალაქისთვის განსაკუთრებულად მნიშვნელოვანია. თითოეულ თქვენგანს, განსაკუთრებული წვლილი მიგიძღვით ჩვენი ქალაქის წინაშე. რომ არა თბილისისა და საკუთარი საქმის დიდი სიყვარული, პროფესიონალიზმი, თავდადება, ალბათ, ვერ შეძლებდით გეცხოვრათ ასე ღირსეულად და ყოველდღიურად გეზრუნათ თბილისზე“, – აღნიშნა დავით ნარმანიამ.
უკვე მესამე წელია, დედაქალაქის მერიამ „თბილისზე მზრუნველის“ ჯილდო დააწესა. ღონისძიება, “თბილისობა 2016”-ის ფარგლებში, თბილისის საკრებულოში გაიმართა.