ისრაელში მცხოვრები ქართველი ჟურნალისტი თამარ მიხანაშვილი “ღამის კურიერის” ეთერში ჰყვება, რომ ისრაელის ერთ-ერთ ქალაქში, აშდოტში რამდენიმე წუთის წინ საჰაერო განგაში იყო. მისივე განმარტებით, რაკეტებს სხვადასხვა ქალაქებისკენ ზალპური მეთოდით უშვებენ.
“როდესაც დამიკავშირდა თქვენი პროდიუსერი, რომ 5 წუთით ვდებდით ინტერვიუს უფრო გამიხარდა იმის მხრივ, რომ ზუსტად მაგ დროს იყო საჰაერო განგაში, 5 წუთის უკან აშდოტში, ახლაც წუთი-წუთზე ველოდები, შეიძლება ჩართვის დროსაც იყოს განგაში.
ზალპური სისტემით წამოვიდა აშკერონისკენ, აშდოტისკენ, ჟდეროთისკენ. ჟდეროთში არის საცხოვრებელ სახლზე დაცემული რაკეტა.
გუშინ მთელი ღამე პრაქტიკულად თავშესაფარში გავათენეთ, 9 საათამდე იყო ზალპური სისტემით სროლები და გააგრძელეს ახლაც, ასე რომ ძალიან დაძაბული მდგომარეობა არის,” – განაცხადა თამარ მიხანაშვილმა.