“ნაციონალური მოძრაობის” მხარდამჭერი და აქტივისტი, პორტალ “Presa. ge“-ის დირექტორი გიორგი კაპანაძე საზოგადოებას ბოდიშს უხდის, იმის გამო, რომ მისგან დამოუკიდებელი მიზეზების გამო, 15 მაისს ოპოზიციის მიერ დაანონსებული აქცია ჩაიშალა.
“თავის მართლებას არ დავიწყებ. ვმონაწილეობდი 15 მაისის აქციის დაორგანიზების პროცესში და პირად პასუხისმგებლობას ვგრძობ. ბოდიში რომ ჩემგან დამოუკიდებელი მიზეზების გამო ასე გამოვიდა”, – წერს სოციალურ ქსელში გიორგი კაპანაძე.
მას შემდეგ, რაც პარტიის თავმჯდომარე, ნიკა მელიამ საპატიმრო დატოვა, ის სამოქალაქო აქტივისტებს შეხვდა და სამომავლო გეგმებთან დაკავშირებით კონსულტაციები გამართა. მალევე, ცნობილი გახდა, რომ 15 მაისს დაგეგმილი ფართომასშტაბიანი აქცია გადაიდო, რადგან ნიკა მელიას განცხადებით, აქციის ჩატარების მიზანშეწონილობა აღარ არსებობს.