რამდენიმე წლის წინ, საზოგადოება მარინა ბერიძის ოჯახის დანგრევამ შოკში ჩააგდო. მისი და მუსიკოს ზურა ლალიაშვილის ოჯახი 42 წლიანი თანაცხოვრების შემდეგ დაინგრა.
ზურაბ ლალიაშვილი ახალგაზრდა მუსიკოსზე რუსუდან მუმლაძეზე დაქორწინდა, რომელმაც დუმილი ცოტა ხნის წინ ია ფარულავას გადაცემაში დაარღვია.
როგორც მუმლაძემ გადაცემაში სტუმრობისას თქვა, ზურა ლალიაშვილი პირველად 20-21 წლის ასაკში გაიცნო.
“პირველად ზურასთან სტუდიაში მივედი სიმღერის ჩასაწერად, 20-21 წლის ვიყავი, არანჟირება მინდოდა სიმღერისთვის. ამის შემდეგ წლები აღარ გვინახავს ერთმანეთი, 10-15 წლის მერე შევხვდით ერთ-ერთ კონცერტზე და კომპლიმენტი მითხრა, როგორც მუსიკოსმა. მას შემდეგაც წლები არ შევხედრივართ. საბედისწერო იყო ჩვენი ურთიერთობა. ზემოდან მოდის ასეთი რამე.
მარინა ბერიძეს მე არ ვიცნობდი. ჩვენი ურთიერთობა არ დაწყებულა რომანით, მუსიკით, საქმიან ვითარებაში დაიწყო. სადაც ვმღეროდი იქ მოვიდა ზურა და მითხრა, კარგად მღერი, მოდი ვცადოთ და პროგრამა გავაკეთოთო. ამდენხნიანი პაუზის შემდეგ, როცა გინდა დიდი ასპარეზი, ამ შემოთავაზებას აუცილებლად მივიღებდი და მივიღე კიდეც. შინაგანდ წესიერი და მორიდებული ადამიანია.
რაღაც პერიოდის შემდეგ მოკრძალებულ ინიციატივას იჩენდა, მაგრამ შვილი მყავდა გასაზრდელი და არაფერზე ვფიქრობდი. მე ვფიქრობ ზურასაც შემოქმედებითი სტაგნაცია ჰქონდა” – განაცხადა რუსუდან მუმლაძემ.
ზურა ლალიაშვილს მუსიკალური სტუდია იმ სახლში ჰქონდა, სადაც მარინა ბერიძესთან და ოჯახთან ერთად ცხოვრობდა, მაგრამ როგორც მუმლაძემ განაცხადა, ის მარინა ბერიძეს ერთხელაც არ შეხვედრია.
“მე არ ვიცოდი ვის სახლში მივდიოდი, მე დავდიოდი სტუდიაში” – განაცხადა მუსიკოსმა.
წამყვანის კითხვაზე, თვლის თუ არა, რომ ის არის ზურა ლალიაშვილის და მარინა ბერიძის ოჯახის დანგრევის მიზეზი, რუსუდანმა ასეთი პასუხი გასცა.
“მე ასე ვფიქრობ, ურთიერთობაში მთავარი წლები არ არის, მთავარია ხარისხი. ალბათ გაჩნდა სიცარიელე. როდესაც სიცარიელე არ არის გამორიცხულია ის ადგილი სხვამ დაიკავოს.
მე მოვისმინე მისი (მარინა ბერიძის) ინტერვიუ და თვითონ აღიარა ეს.
ჩვენ შევხვდით ერთხელ ამ თემაზე ვისაუბრეთ. ასეთი რაღაცეები არ იმალება, მაგრამ მე დავინახე უფრო მეტად რეპუტაციის დაკარგვის შიში, ვიდრე საყვარელი ადამიანის” – განაცხადა რუსუდან მუმლაძემ.