რელიგიის საკითხთა სახელმწიფო სააგენტოს ინიციატივით რესპუბლიკურ საავადმყოფოში სხვადასხვა რელიგიური ორგანიზაციის წარმომადგენლები აიცრნენ. ვაქცინაციის პროცესს დღეს შეუერთდნენ რელიგიის საკითხთა სახელმწიფო სააგენტოს თანამშრომლებიც.
„პანდემიის დამარცხების გზაზე ძალიან მნიშვნელოვანია ვაქცინაცია. მინდა მოვუწოდო მოსახლეობას, მიიღონ მონაწილეობა ვაქცინაციის პროცესში, რამეთუ ეს არის პანდემიის დამარცხების ერთადერთი გზა“, – აცხადებს საქართველოს მუფთი ადამ შანთიძე.
სახარების რწმენის ეკლესიის წარმომადგენელი გურამ იმერლიშვილი აცხადებს, რომ არანაირი აპოკალიპტური დატვირთვა აცრას არ აქვს.
„არ უნდა შეგვეშინდეს ვაქცინაციის, თუმცა ყველა ადამიანს აქვს უფლება, დამოუკიდებლად მიიღოს ეს გადაწყვეტილება. ჩემი აცრით მინდა ხაზი გავუსვა იმას, რომ არანაირი აპოკალიპტური დატვირთვა აცრას არ აქვს. კარგი იქნება, თუ ვიფიქრებთ არა მხოლოდ საკუთარ თავზე, არამედ საზოგადოებაზეც“, – განაცხადა გურამ იმერლიშვილმა.