ილიას უნივერსიტეტის პროფესორი, ლევან ბერძენიშვილი პასუხობს ჟურნალ „გზის“ მიერ დასმულ შეკითხვას, რას ფიქრობენ მამააკაცები ჭკვიან ქალებზე.
ლევან ბერძენიშვილი:
„ჩემი აზრით, ნებისმიერი ადამიანი საინტერესოა და ყველა ქალი, რომელიც გაიღიმებს, თითქოს, უცებ ლამაზდება. საბედნიეროდ, ჩემი მეუღლე ლამაზიცაა და ჭკვიანიც, სწორედ ამიტომ ავირჩიე. მე არ ვიცნობ ისეთ კაცებს, რომლებსაც სულელი და მიამიტი ქალები მოსწონთ, მაგრამ თუ მამაკაცს თავისზე დაბალი ინტელექტის მქონესთან ურთიერთობა მოსწონს, ეს ნიშნავს, რომ თავად აქვს პრობლემები ინტელექტთან. თუ ადამიანი თავის თავს მონათმფლობელად მიიჩნევს და ფიქრობს, რომ ეს ქალი მისი საკუთრებაა, მაშინ შეიძლება, მარტო მის სილამაზეს აფასებდეს, მაგრამ რადგან ქალი არავის საკუთრება არ არის, ჯობია, ჭკვიანი იყოს.
რაც შეეხება ქალთა უფლებების დაცვას, ეს მათი საქმეა, რომელსაც მე პატივს ვცემ. თუ ფემინისტების საქმიანობა ფანატიზმში და კაცების სიძულვილში არ გადაიზრდება, თანასწორობისთვის ბრძოლას მხოლოდ მივესალმები.
მით უმეტეს, კაცები ქალებთან ვალში ვართ – ისინი კარგა ხანს დაჩაგრულები იყვნენ…“