დღეს „გირჩის“ ერთ-ერთმა ლიდერმა იაგო ხვიჩიამ განაცხადა, რომ თუ პარლამენტში შევიდოდა თაკო ჩარკვიანი და შალვა ნათელაშვილი, საკანონმდებლო ორგანოში 555 ხინკალს მიიტანდა.
„გირჩის“ ლიდერმა აღნიშნა, რომ ადგილიც კი შერჩეული აქვს, სადაც ხინკალს მიიტანს.
პარლამენტში შესვლა-არშესვლასთან დაკავშირებით პარტია “კანონი და სამართალის” თავმჯდომარემ თაკო ჩარკვიანმა გუშინ პირად სოციალურ ქსელში პოსტი დაწერა და მეგობრებს პარლამენტში მის შესვლა-არშესვლასთან დაკავშირებით აზრის დაფიქსირება სთხოვა.
თაკო ჩარკვიანის პოსტზე “გირჩის” წარმომადგენლებმა იაგო ხვიჩიამ და სანდრო რაქვიაშვილმა სანაძლეოც კი დადეს ხინკალზე.
ჩარკვიანმა „გირჩის“ ინიციატივას „დღის კურიერში” უპასუხა:
“მე მათ ვუთხარი, ვინ, ვინ და ეგენი ვერაფერს ვერ მოიგებენ, თვითონ “გირჩს” ვგულისხმობ. მათ მხრებზე დევს დიდი პროცედურული სამარცხვინო საქციელი, რომელმაც მთელი პოლიტიკური სპექტრი აჭრა. ორივე მათგანს დავაპატიჟებინებ ჩემს მეუღლეს ჩემთან ერთად და ბევრად უფრო კარგ ხინკალს დავახვედრებ. იქნებ მოსახლეობისგან “ჩიშკებსაც” კი გადარჩნენ. არ მგონია, მათ რომელიმე ნიძლავის მოსაგებად ჰქონდეთ საქმე”. – განაცხადა თაკო ჩარკვიანმა.
მანვე აღნიშნა, რომ პარლამენტში შესვლასა და შარლ მიშელის დოკუმენტის ხელმოწერას შორის ძალიან დიდი სხვაობაა.