„სამხრეთ აფრიკულ შტამზე ვაქცინები მოქმედებს, მაგრამ ნაკლებად ეფექტურად, ვიდრე ჩინურ შტამზე“, – ამის შესახებ იმუნიზაციის მრჩეველთა ეროვნული ტექნიკური ჯგუფის ხელმძღვანელმა, ივანე ჩხაიძემ „ქრონიკასთან“ საუბრისას განაცხადა. მისი თქმით, სწორედ ამით გამოირჩევა სამხრეთ აფრიკული შტამი COVID 19-ის სხვა შტამებისგან.
„სამხრეთ აფრიკული შტამის ერთ-ერთი განმასხვავებელი თვისება გახლავთ მისი უფრო მეტი მდგრადობა ვაქცინის მიმართ. დიახ, ამ შტამზე ვაქცინები მოქმედებენ, მაგრამ ნაკლებად უფრო ეფექტურად, ვიდრე ჩინური შტამის საწინააღმდეგოდ. ეს ეფექტურობა უფრო ნაკლებია, ვიდრე ბრიტანული ან ინდური შტამების შემთხვევაში. ეს არის ერთ-ერთი გამორჩეული თვისება სამხრეთ აფრიკული მუტაციისა. ეს არის ის გამომწვევი, რომელიც უფრო იოლად ვრცელდება, უფრო მეტ ადამიანს ასნებოვნებს და ვაქცინების ზემოქმედება ამ შტამზე არის შედარებით ნაკლები“, – განაცხადა ივანე ჩხაიძემ.
საქართველოში კორონავირუსის ე.წ. სამხრეთაფრიკული შტამის პირველი შემთხვევა დადასტურდა.