როგორ მოქმედებს COVID-19 გულსისხლძარღვთა დაავადების მქონე პაციენტებზე – “რუსთავი 2”-ის განახლებული გადაცემის “ექიმების” ერთ-ერთი წამყვანის, კარდიოქირურგ ლევან ქარაზანიშვილის თქმით, ასეთი დაავადებების მქონე ადამიანებისთვის განსაკუთრებით აუცილებელია აცრა კოვიდის წინააღმდეგ, რადგან ისინი რისკ-ჯგუფს წარმოადგენენ.
“გულსისხლძარღვთა სისტემაზე კონკრეტულად კორონავირუსით გამოწვეული დაავადება ბოლომდე შესწავლილი არ არის, თუმცა ის მხოლოდ ფილტვების დაზიანებით არ გამოიხატება. ძალიან მნიშვნელოვანია გულსისხლძარღვთა დაავადების მქონე პაციენტებმა ვაქცინაციას მიმართონ, რადგან ისინი რისკ-ჯგუფს წარმოადგენენ და ეს ადამიანები არიან დასაცავი და მათ დასაცავად ერთადერთი საშუალება, რაც გაგვაჩნია არის ვაქცინაცია.
ამ ადამიანებთან უფრო სერიოზულია გართულებები და ლეტალური შემთხვევები მეტად ახასიათებთ ხოლმე,” – აღნიშნა ლევან ქარაზანიშვილმა “ღამის კურიერის” ეთერში.