დედაენის ბაღის, 9 მარტის ბაღის, ასევე მშრალი ხიდისა და ზაარბრიუკენის ხიდის რეაბილიტაცია დასრულდა.
განახლებული სივრცე დღეს თბილისის მერმა, კახა კალაძემ გახსნა. გახსნას პრემიერ-მინისტრი ირაკლი ღარიბაშვილი და „ქართული ოცნების თავმჯდომარე“ ირაკლი კობახიძე ესწრებოდნენ. პრემიერ-მინისტრმა დედაენის ბაღში შეკრებილებს სიტყვით მიმართა.
ღონისძიება ქართველი შემსრულებლების კონცერტით დასრულდა
პროექტის ფარგლებში, ორივე ხიდს ჩაუტარდა რეაბილიტაცია-რესტავრაცია; აშენდა დედაენის და 9 აპრილის ბაღების დამაკავშირებელი საფეხმავლო გვირაბები; ორივე ბაღში ჩატარდა გამწვანების მასშტაბური სამუშაოები და შეიცვალა ინვენტარი; მოწესრიგდა მიწისზედა და მიწისქვეშა კომუნიკაციები; მოეწყო გარე განათების ქსელი; კეთილმოეწყო საფეხმავლო სივრცე; მშრალი ხიდიდან სანაპიროზე ჩასასვლელ ორივე პანდუსზე მოეწყო გზის ახალი საფარი.
პროექტის ღირებულებამ 27 მილიონ ლარამდე შეადგინა.