სტაბილიზაცია გვაქვს, მაგრამ აბსოლუტურად დამშვიდების საშუალება არა, იმიტომ რომ კოვიდრეგულაციების მოშლის პირობებში საქართველოში, სამწუხაროდ, შემთხვევების რაოდენობა დიდი ალბათობით ქვემოთ არ ჩამოვა, – ამის შესახებ ალერგოლოგ-იმუნოლოგმა, ბიძინა კულუმბეგოვმა განაცხდა. მისი თქმით, დიდი შანსია, რომ ზაფხულის მეორე ნახევრიდან ქვეყანაში კორონავირუსის ახალი შემთხვევების რაოდენობა გაიზარდოს და მოსახლეობას სიფრთხილისკენ მოუწოდა.
„ძალიან მინდა, როგორც სპეციალისტმა, ყველას მოვუწოდო, სადაც არ უნდა იყოთ, თუ გარშემო ადამიანები არიან, თქვენ აუცილებლად მაინც უნდა გამოიყენოთ პირბადე. არ წახვიდეთ ისეთ ადგილებში, სადაც პირბადის გარეშე ბევრი ადამიანი იქნება, განსაკუთრებით დახურულ სივრცეში“, – განაცხადა კულუმბეგოვმა.
კომენტარები