ქუჩის ძაღლებთან დაკავშირებით მერიას აქვს ხედვა, თუ რა უნდა გაკეთდეს ამ მიმართულებით, – ამის შესახებ თბილისის მერმა, კახა კალაძემ განაცხადა.
„ქუჩის ძაღლებთან დაკავშირებით ჩვენ გვაქვს ჩვენი ხედვა, თუ რა უნდა გაკეთდეს და როგორ უნდა მოწესრიგდეს ეს მიმართულება, რადგან გარკვეულ დისკომფორტს წარმოადგენს ადამიანებისთვის, თვითონ ძაღლებიც ცუდ მდგომარეობაში არიან.
უახლოეს მომავალში წარვუდგენთ საზოგადოებას, რა უნდა გაკეთდეს, ასევე ბიუჯეტს, აუცილებელია საკანონმდებლო ცვლილებები, რადგან ამის გარეშე შეუძლებელი იქნება მოწესრიგება“, – განაცხადა კახა კალაძემ.
კომენტარები