ოკუპირებულ ცხინვალში ეკლესია გაქურდეს. დე ფაქტო შინაგან საქმეთა სამინისტროს ცნობით, ქურდობაში ეჭვმიტანილი ქალი ცხელ კვალზე დააკავეს. მას სამების ეკლესიის შემოწირულობების ყუთის მოპარვას ედავებიან.
„ცხინვალის შინაგან საქმეთა სამმართველოს კრიმინალური საგამოძიებო დეპარტამენტის თანამშრომლებმა სწრაფად დაადგინეს დანაშაულში ეჭვმიტანილის ვინაობა და ადგილსამყოფელი. ჩატარებული ოპერატიულ-სამძებრო ღონისძიებების შედეგად დააკავეს 55 წლის ქალი, რომელმაც სამების ტაძარში არსებული შესაწირის ყუთი განზრახ მოიტაცა” – წერს დე ფაქტო შსს.
მათივე ცნობით, დაკავებულმა ჩადენილი დანაშაული აღიარა. მის მიმართ სისხლის სამართლის საქმეა აღძრული.
კომენტარები