ბაღდადში განხორციელებული ორი აფეთქების შედეგად დაიღუპა 44 ადამიანი. დაშავებულთა რიცხვი 90-ს აღემატება.
პირველი ასაფეთქებელი მოწყობილობა თვითმკვლელმა ტერორისტმა ბაღდადის ჩრდილოეთ ნაწილში, ალ-შააბის რაიონის ბაზარში აამოქმედა. თავდასხმას 38 ადამიანი ემსხვერპლა.
მეორე ასაფეთქებელი მოწყობილობა ბაღდადის სამხრეთ ნაწილში ამოქმედდა. დანაღმული ავტომობილის აფეთქების შედეგად ექვსი ადამიანი დაიღუპა.
ალ-შააბში განხორციელებულ თავდასხმაზე პასუხისმგებლობა საკუთარ თავზე ექსტრემისტულმა დაჯგუფებამ “ისლამურმა სახელმწიფომ” აიღო.
ამჟამად შემთხვევის ადგილებში მაშველები, პოლიცია და ექიმები მუშაობენ. მედიკოსები მსხვერპლთა რიცხვის ზრდას არ გამორიცხავენ.
გასულ კვირას ერაყის დედაქალაქში “ისლამური სახელმწიფოს” მიერ განხორციელებულ ტერაქტების სერიას 100-ზე მეტი ადამიანი ემსხვერპლა.
ბაღდადში ორ აფეთქებას 44 ადამიანი ემსხვერპლა
2016/05/17 21:22:45
ნანახია: 1728 ჯერ