“როდესაც მოვდიოდი ოფისისკენ, გზაში კანალიზაციის ჭიდან ამოყვინთა და დაიძახა, რომ ჩამოვედიო”, – “ქართული ოცნების” წევრი, ბექა დავითულიანი სააკაშვილის ჩამოსვლაზე ხუმრობს.
“ნახევარი საათის წინ, როდესაც მოვდიოდი ოფისისკენ, გზაში კანალიზაციის ჭიდან ამოყვინთა და დაიძახა, რომ ჩამოვედიო და სამწუხაროდ, ისევ შეერია ამ უსასრულო სამყაროს, ჩავიდა და დახურა” – ამბობს დავითულიანი.
მისივე თქმით, “მთავარმა არხმა” დიფ ფეიკებზე “იმდენი ილაპარაკა, შეიძლება, გავრცელებული ვიდეოები გაყალბებული იყოს”.
დავითულიანის თქმით, იმ შემთხვევაში, თუ მიხეილ სააკაშვილმა მართლაც გადმოკვეთა საზღვარი, ეს კიდევ ერთი კანონდარღვევაა და მას კიდევ ერთ ბრალს წაუყენებენ.
შეგახსენებთ, ცოტა ხნის წინ ექსპრეზიდენტმა, მიხეილ სააკაშვილმა სოციალურ ქსელში დაწერა რომ საქართველოში დაბრუნდა, მოგვიანებით კი ვიდეო გაავრცელა, სადაც ამბობს, რომ ბათუმში იმყოფება.