მადლობით მინდა, დავიწყო, ბოდიშით უნდა გავაგრძელო და მადლობით მინდა, დავასრულო, – ამის შესახებ „ნაციონალური მოძრაობის“ წევრმა, მურმან დუმბაძემ რუსთავის ციხესთან „ნაციონალური მოძრაობის“ ორგანიზებით მიმდინარე, მიხეილ სააკაშვილის მხარდამჭერ აქციაზე სიტყვით გამოსვლისას განაცხადა.
„2004 წლის 6 მაისია, გადამწყვეტი ბრძოლა ბათუმისთვის. 15-17 წლის წინანდელ ამბავს გახსენებთ. მაშინ ძალიან ახალგაზრდა გამოვედი უნივერსიტეტის კიბეებთან და განვაცხადე ასეთი რამ: საქართველოს მესამე პრეზიდენტს, მიხეილ სააკაშვილს გაუმარჯოს! მიშა გაჩნდა ბათუმში და სეპარატისტული ხელისუფლება აჭარაში დამარცხდა 2004 წლის 6 მაისს. დიდი მადლობა, მიშა! დიდი ბოდიში 2012 წლის პირველი ოქტომბრისთვის“, – აღნიშნა მურმან დუმბაძემ.
მურმან დუმბაძის თქმით, ვერაფრით წარმოიდგენდა, რომ ტარიელ ღარიბაშვილის შვილი გახდებოდა საქართველოს პირველი პოლიტიკური პირი.
„2021 წლის 2 ივნისი. შენი სათაყვანებელი ბათუმი თვითმმართველობის ბრძოლაში არჩევნებს იგებს და იგებს, უპირველეს ყოვლისა, საქართველოს მესამე პრეზიდენტის, მიხეილ სააკაშვილის სახელით. მის გასაგონად, შეიძლება, არ აქვს ინფორმაცია. ბათუმში სულ არის 35 დეპუტატი, ადგილობრივი ხელისუფლება. აქედან 19 დეპუტატი არის ოპოზიცია და წმინდად აღებულია ქალაქი ბათუმი. ბათუმში ფრიალებს საქართველოს სახელმწიფო დროშა. მადლობით მინდა, დავასრულო. მადლობა იმისთვის, საქართველოს მესამე პრეზიდენტო, რომ შენ ციხეში კი არა, ჩვენთან ხარ. ბრძოლა ბოლომდე, საბოლოო გამარჯვებისთვის“, – განაცხადა მურმან დუმბაძემ.