ოდესის ოლქის გუბერნატორი მიხეილ სააკაშვილი ოდესის პოლიციის უფროსის, გია ლორთქიფანიძის გადადგომას „ფეისბუქში“ საკუთარ გვერდზე ეხმაურება.
„ეს იყო პოლიციის პირველი უფროსი ოდესის ისტორიის ძალიან ხანგრძლივი პერიოდის განმავლობაში, რომელიც ქრთამს არ იღებდა.
თავიდან მას ჩამოართვეს ბევრი ფუნქცია, შემდეგ დაიწყეს მისი დევნა ყველა მხრიდან. რა თქმა უნდა, შეიძლებოდა გაკეთებულიყო ბევრად მეტი, მაგრამ მადლობა, რომ მშვიდობა შეინარჩუნა, ოდესაში აღადგინა ნორმალური, მშვიდობიანი ცხოვრება”,-წერს მიხეილ სააკაშვილი.
სააკაშვილი მადლობას უხდის გია ლორთქიფანიძეს, “რომ სრულიად დამპალ სისტემაში დარჩა სუფთა და შეინარჩუნა ღირსება”.
“ახლა კორუმპირებულ ჩინოვნიკებსა და ყველა სახის ნაძირალას შეუძლიათ გამარჯვების აღნიშვნა, მაგრამ ვარწმუნებ მათ, რომ ძალიან მცირე ხნით“,-წერს მიხეილ სააკაშვილი.