“არ ვიცით ჯერ პედაგოგებს გამოცდებს როდის ჩავუტარებთ, თუმცა უკვე ვიცით, რომ ზამთარში პედაგოგებს საგნობრივი გამოცდები არ ჩაუტარდებათ”, – ამის შესახებ საქართველოს განათლებისა და მეცნიერების მინისტრმა ალექსანდრე ჯეჯელავამ განაცხადა.
მინისტრის თქმით, პედაგოგების საგნობრივი გამოცდები რჩება, თუმცა ამას ბარიერი არ ექნება.
„სიტყვა გამოცდა და ეს ჩემი პრინციპული პოზიცია იყო, არ ერქმევა ამას, რადგან 30 წლიანი გამოცდილების მქონე პედაგოგის გამოცდა არაადეკვატურია. ეს იქნება კვალიფიკაციის დადასტურება, ამაღლება. ამასთან, აუცილებლად იქნება კომპონენტი, რომელიც მშობლებთან ურთიერთობას შეეხება”,- განაცხადა ჯეჯელავამ.
მინისტრის თქმით, მასწავლებლები, რომლებიც ნებაყოფლობით აირჩევენ მშობლებთან ინდივიდუალურად მუშაობას, მეტ დროს გაატარებენ სპეციალური საჭიროების ბავშვებთან, ამაში მიიღებენ კრედიტებს.