„ქართული ოცნება“ წინანდალში გასვლით სხდომას მართავს.
როგორც პარტია „ქართული ოცნების“ აღმასრულებელმა მდივანმა მამუკა მდინარაძემ განაცხადა, სამუშაო შეხვედრაზე მმართველი გუნდის წევრები, აღმასრულებელი ხელისუფლებისა და საკანონმდებლო ორგანოს წარმომადგენლები სამომავლო გეგმებს განიხილავენ.
„გუნდი, მათ შორის, მთავრობის წარმომადგენლები, საკრებულოში არჩეული თავმჯდომარეები, მერები და თითქმის ყველა დეპუტატი, ვისაც დღეს აქ ჩამოსვლის საშუალება ჰქონდა, ერთად ვიკრიბებით, რომ გუნდურ საერთო ხედვებზე შევჩერდეთ. ეს ძალიან კარგია და ძალიან კარგი იქნება, თუ ხშირად მოვახერხებთ ამას, რადგან ძალიან რთულია ამდენი ადამიანის ერთად შეკრება და საერთო ხედვებზე, მსჯელობა, დისკუსია, საერთო მიზნების განსაზღვრა ამ ქვეყნის განვითარებასთან ასევე, კონკრეტულ დეტალებთან დაკავშირებით, რაც თითოეულ სოფელს, ქალაქს, მუნიციპალიტეტს აწუხებს“, – განაცხადა მდინარაძემ.