პატრიოტთა ალიანსის ერთ-ერთი ლიდერი ემზარ კვიციანი ამბობს, რომ ის ყველაფერს გააკეთებს იმისათვის, რომ ოკუპაციის შესახებ კანონი გაუქმდეს.
“ყველას ეხება ეს კანონი. აფხაზეთის ტერიტორია საქართველოა, ეს ჩვენი ტერიტორია, წართმეულია. საზღვარი დაირღვა, რომელი საზღვარი დაირღვა? საქართველოს წაგვართვეს ტერიტორია ქართველების დახმარებით, ნაციონალურმა მოძრაობამ ქვეყნის 30% რუსეთს ხონჩით მიართვა. რუსეთის ინტერესებშია, რომ ქართველები ნაკლები მოხვდნენ ადლერის გავლით აფხაზეთში. რუსეთის სპეცსამსახურების ინტერესშია ეს. ქართველები გადადიოდნენ.
“შევეცდები დავარწმუნო პარლამენტი, რომ საერთოდ ეს კანონი გაუქმდეს, ეს ეწინააღმდეგება ქართველებისა და აფხაზების ერთმანეთთან მისვლას. ვინმე სხვა გინახავთ რუსი, სომეხი და აზერბაიჯანელი, რომ დააკავეს? ეს კანონი არის ჩვენი ქართველებისა და აფხაზების საწინააღმდეგო. საქართველოს ხელისუფლება ამ ტერიტორიას უნდა აკონტროლებნენ და ეს ტერიტორიები უნდა დავიბრუნოთ. წართმეულის დაბრუნება შეიძლება ბრძოლით, მოლაპარაკებებით ან რაოდენობით. რაოდენობის შესამცირებლად კი ყველაფერი გააკეთეს. ჭუბერში კუდ-ი რატომ დგას? კოდორელებს რომ კოდორში არ უშვებდნენ სანამ დავკარგავდით რატომ მოხდა? იმიტომ, რომ იქ ქართველები არ ყოფილიყვნენ,”- განაცხადა კვიციანმა.