უკრაინის ქალაქ მარიუპოლის მერი აცხადებს, რომ ომის დაწყებიდან ქალაქში სულ მცირე 10 000 მშვიდობიანი მცხოვრები დაიღუპა. ამის შესახებ მარიუპოლის მერმა, ვადიმ ბოიჩენკომ საინფორმაციო სააგენტო „ესოშიეიტიდ პრესს“ განუცხადა.
ბოიჩენკო არ გამორიცხავს, რომ მსხვერპლი სამოქალაქო მოსახლეობაში 20 000-საც აღემატებოდეს.
მედიასაშუალებასთან ტელეფონით საუბრისას, მარიუპოლის მერმა განაცხადა, რომ რუსეთის ძალებმა მარიუპოლში მობილური კრემატორიუმები ჩაიტანეს. მისი თქმით, რუსი სამხედროები მარიუპოლში ჰუმანიტარულ კოლონებს არ უშვებენ, რათა თავიანთი დანაშაული დამალონ. ბოიჩენკოს განცხადებით, საოკუპაციო ძალებს ცხედრები სავაჭრო ცენტრში აქვთ მოთავსებული, სადაც მაცივრებია.
კომენტარები