საგარეჯოში, სოფელ გიორგიწმინდის ღვთისმშობლის სახელობის ტაძარში მრევლი სასწაულის მომსწრე გახდა. იესოს ხატს, რომელიც დავით თარხან-მოურავმა დაწერა, მირონი სდის. ინფორმაციას kvira.ge ავრცელებს.
„უფალი ღმერთი და მაცხოვარი იესუ ქრისტე მღვდელმთავარი მღვდელმთავართაი და მეფე მეფეთაი“, – ასე ჰქვია ხატს, რომელიც „პატრიოტთა ალიანსის“ თავმჯდომარემ გიორგიწმინდის ეკლესიას 21 სექტემბერს, ტაძრის დღესასწაულზე შესწირა.
მირონდენა 4 დეკემბერს – ღვთისმშობლის ტაძრად მიყვანების დღეს დაიწყო, მის სანახავად ადამიანები სხვადასხვა რაიონიდან მიდიან. გიორგიწმინდის ეკლესიაში ხატებზე მირონდენა პირველი შემთხვევა არ არის. თუმცა განსაკუთრებული ის არის, რომ მირონი ტაძრის წინამძღოლის – გიორგი პავლოვის ფოტოებსაც სდის. ფოტომასალა „კვირა“-ს ტაძრის მრევლის ერთ-ერთმა წევრმა ირაკლი ლომიძემ მიაწოდა.