შსს-ს დაცვის პოლიციის დეპარტამენტმა წინა საახალწლო აქცია დაიწყო. ყველა ახალი ობიექტი, რომელიც 2016 წლის 1-დან 31 დეკემბრის ჩათვლით დაცვის პოლიციის პერიმეტრული სიგნალიზაციის მომხმარებელი გახდება, უფასოდ, დროებით სარგებლობაში მიიღებს 2500 ლარის ღირებულების დაცვის აპარატურას.
აღნიშნული აპარატურის დამონტაჟება მომხმარებელს შეუძლია სახლში, აგარაკსა თუ კომერციულ ობიექტზე.
აქცია ვრცელდება დაცვის შემდეგ საშუალებებზე: სიგნალიზაციის გადამცემი,დაცვის საკონტროლო დაფა, მოძრაობის, მსხვრევის, ხანძრის და ბუნებრივი აირის დეტექტორები.
დაცვის პოლიციის დეპარტამენტი უზრუნველყოფს დასაცავ ობიექტებზე დანაშაულისა და სხვა სამართალდარღვევათა აღკვეთა-აცილებას თანამედროვე და მუდმივად განახლებადი ტექნოლოგიებით. ბოლო მონაცემებით, საქართველოს მთელ ტერიტორიაზე (როგორც ტექნიკური საშუალებებით, ისე საპოლიციო ძალით) დაცულია 12 000-მდე ობიექტი – მათ შორის მნიშვნელოვანი სტრატეგიული ობიექტები. დაცვის პოლიციის მთავარი მისია სწორედ, მოქალაქეების ქონების და პირადი უსაფრთხოების დაცვაა, ასევე მათი საქმიანობისთვის ჯანსაღი გარემოს შექმნას წარმოადგენს.