ვინც კარგად იმუშავებს, ჩვენს სამინისტროში ყოველთვის მიიღებს პრემიას, – ამის შესახებ საქართველოს განათლებისა და მეცნიერების მინისტრმა ალექსანდრე ჯეჯელავამ განაცხადა.
მისივე განმარტებით, ანაზღაურების წილი მთლიან დანახარჯში ძალიან მცირეა.
”ჩვენ საქმიანობის ძალიან დიდი მასშტაბი გვაქვს. დაახლოებით 600 მილიონამდე იხარჯება სასკოლო მიმართულებით, დაახლოებით 400 მილიონამდე განათლების სხვა მიმართულებით. შემიძლია თამამად ვთქვა, რომ ჩვენი ანაზღაურების წილი მთლიან ჩვენს დანახარჯებში ძალიან მცირეა და ჩვენ ვამაყობთ ჩვენი ეფექტურობით. ამ ცვლილების შედეგად კიდევ უფრო ეფექტური ვიქნებით. ვინც კარგად იმუშავებს ჩვენს სამინისტროში, ყოველთვის მიიღებს პრემიას”, – განაცხადა ალექსანდრე ჯეჯელავამ.
კომენტარები