ცოტნე გამსახურდია სოციალურ ქსელში ვიზალიბერალიზაციას ეხმაურება.
“ამ ვიზალიბერალიზაციაზე იმდენჯერ დაგვატორმუზეს “მარშრუტკასავით”, იმდენ ხანი გავიდა, რომ რეაქციის სურვილიც აღარ არის… ჩემი გამამართლებელი განაჩენისა არ იყოს! 
😉
არა, მე თუ მკითხავთ, ნამდვილად არა ვართ ჩვენ საევროპო საზოგადოება და არც ის მგონია, იქაურ დედაქალაქებში სეირნობებმა შეცვალოს ჩვენი ცნობიერება. ამის ნათელი მაგალითი ის მიგრანტები არიან, რომლებიც იქ მრავლად ცხოვრობენ და სულაც არ აპირებენ იქაური ქუდის დახურვას, გასული წლების მიუხედად.
ადამიანის ტრანსფორმაციას, მით უფრო – ერების, ძლიერი ნება ჭირდება, ხოლო ნების ჩამოყალიბებას – ბევრი წელი, განათლება, ხელსაყრელი სიტუაცია ან – სასტიკი აუცილებლობა! ბევრი გოიმიც მინახავს, რომელიც უკვე ოცდაათი წელია ლონდონსა და ბერლინში ცხოვრობს, მაგრამ მენტალურად საკუთარ ეზოს არ გასცილებია… დარწმუნებით შეიძლება ითქვას, რომ ეგეთები ევროპიდან მხოლოდ ნეგატივს იღებენ!
მოკლედ, იმის თქმა მინდა, რომ ამ ფაქტს გადაჭარბებულ მნიშვნელობას ნუ მივანიჭებთ…”