ბიომეტრული პასპორტის აღება, რომელიც 100 ლარი ღირს, 50%-იანი ფასდაკლებით იქნება შესაძლებელი, პირადობის დამადასტურებელი მოწმობის აღება კი, უფასო იქნება 15 დეკემბრიდან 9 იანვრამდე.
ამის შესახებ იუსტციის მინისტრმა თეა წულუკიანმა დღევანდელ ბრიფინგზე განაცხადა.
იუსტიციის სამინისტრომ პირადობის მოწმობებზე მსგავსი აქცია ივლისის თვეში განახორციელა.
ბიომეტრიული პასპორტი ამჟამად 100 ლარი ღირს.
ბიომეტრული პასპორტი ყველაზე მაღალტექნოლოგიური და გაყალბებისგან დაცული სამგზავრო დოკუმენტია, რომელიც არსებითად ზრდის საქართველოს მიერ გაცემული დოკუმენტების სანდოობის ხარისხს.
ქვეყანაში ბიომეტრული პასპორტის არსებობა ევროკავშირთან გამარტივებული სავიზო რეჟიმის ერთ-ერთი წინაპირობაა.
ბიომეტრიული პასპორტის მფლობელი პირი გამარტივებული პროცედურული უპირატესობით სარგებლობს სხვადასხვა ქვეყნის საზღვრის კვეთისას.