ბადრი პატარკაციშვილის ოჯახი განცხადებას ავრცელებს

ბადრი პატარკაციშვილის ოჯახი აცხადებს, რომ ვანო ჩხარტიშვილის სახელით, მისივე ადვოკატის მიერ გავრცელებული ინფორმაცია სიმართლეს არ შეესაბამება.
„ბადრი პატარკაციშვილის ოჯახს სურს ხაზი გაუსვას იმ ფაქტს, რომ ინგლისში ჩატარებულ სასამართლოზე, ვანო ჩხარტიშვილის სახელით, მისივე ადვოკატის მიერ გავრცელებული ინფორმაცია სიმართლეს არ შეესაბამება. ინგლისის სასამართლომ დაადგინა, რომ ვანო ჩხარტიშვილმა უსინდისოდ მიითვისა ბადრი პატარკაციშვილის ქონება. ეს დასკვნა ინგლისის სასამართლოს არ შეუცვლია. ვანომ მხოლოდ შეძლო გაერთულებინა მისგან თანხის ამოღების პროცედურა, საქართველოში სარჩელის ხანდაზმულობის ცნების გამოყენებით. ჩვენ ვაპირებთ, ინგლისში, ამ ტექნიკური გადაწყვეტილების გასაჩივრებას.
ვანოს მტკიცებულება სრულად შემოწმდა ინგლისის სასამართლოში და ის თაღლითურად იქნა ცნობილი. ამასთან დაკავშირებით არაფერი შეცვლილა. ვანომ შეძლო მიეღწია წარმატებისთვის დამატებითი დაცვის შექმნაში, მისი ქმედებების გამო ფულის გადახდის თავიდან არიდებაში, მაგრამ ვანოს ქმედებებს, ინგლისის სასამართლო, კვლავ თაღლითურად მიიჩნევს. ჩვენთვის გაუგებარია ის განცხადება, რომელიც ვანოს ინგლისელმა ადვოკატებმა გაავრცელეს, იმის შესახებ, რომ ინგლისის სააპელაციო სასამართლომ ვითომ გააუქმა ეს დასკვნა“ – აცხადებენ ჩვენი ინგლისელი ადვოკატები (Signature Litigation LLP).,“- აღნიშნულია ბადრი პატარკაციშვილის ოჯახის მიერ გავრცელებულ განცხადებაში.
ვანო ჩხარტიშვილის პრესსამსახურის მიერ გავრცელებულ ინფორმაციის თანახმად კი ლონდონის სააპელაციო სასამართლოში პატარკაციშვილების ოჯახთან მიმდინარე დავა ვანო ჩხარტიშვილის გამარჯვებით დასრულდა.
შესაბამისი შინაარსის განცხადება ჩხარტიშვილის პრესსამსახურმა დღეს გაავრცელა.