საქართველოს საპატრიარქოს ინფორმაციით, ფონდ “ივერიას”, რომელიც მახათას მთაზე ღვთისმშობლის ხატის სახელობის ტაძარს აშენებს, პაატა ბურჭულაძის ნაცვლად, გიორგი თავაძე უხელმძღვანელებს.
საპატრიარქოს განცხადებაში აღნიშნულია, რომ პაატა ბურჭულაძემ პოლიტიკურ პროცესებში ჩართვის გამო, ფონდიდან წასვლის გადაწყვეტილება პირადი სურვილით მიიღო.
“სრულიად საქართველოს კათოლიკოს-პატრიარქის ლოცვა-კურთხევით 2010 წელს დაარსებული ფონდი „ივერიისა“ უკვე მეექვსე წელია მახათას მთაზე ანხორციელებს ივერიის ღვთისმშობლის ხატის სახელობის ტაძრის მშენებლობას. 2015 წლის დეკემბრამდე ფონდს ხელმძღვანელობდა პაატა ბურჭულაძე, რომელმაც ბევრი გააკეთა მისი წარმატებით ფუნქციონირებისათვის, მაგრამ მან პოლიტიკურ პროცესებში ჩართვის გამო, პირადი სურვილით დატოვა ეს ორგანიზაცია.ფონდის ხელმძღვანელობა დაეკისრა გიორგი თავაძეს და მოხდა მისი რეორგანიზაცია. ის გადაკეთდა საზოგადოებად, რომლის დამფუძნებლებიც ჩვენი საზოგადოების ცნობილი წარმომადგენლები არიან”,- ნათქვამია განცხადებაში.