რუსეთის მიერ ანექსირებულ ყირიმში, სიმფეროპოლის რაიონის სოფელ გვარდეისკოეში სამხედრო ავიაბაზის თავზე შავი კვამლი შეინიშნება, წერს გამოცემა “კომერსანტი” ადგილობრივ მოსახლეობაზე დაყრდნობით. გამოცემასთან საუბარში ისინი ამბობენ, რომ სამხედრო ბაზის ტერიტორიაზე რამდენიმე აფეთქების ხმა გაისმა.
“კომერსანტი” წყაროზე დაყრდნობით წერს, რომ სამხედრო და სამართალდამცავი უწყებები სწავლობენ საბრძოლო მასალის საცავზე მცირე ზომის დრონებით განხორციელებული თავდასხმის ვერსიას.
მომხდართან დაკავშირებით ოფიციალური კომენტარი ჯერ არ გაკეთებულა.
კომენტარები