ექსპრეზიდენტი მიხეილ სააკაშვილი კლინიკა „ვივამედში“ დედამ გიული ალასანიამ მოინახულა. მისი თქმით, სააკაშვილის ჯანმრთელობის მდგომარეობა გაუარესებულია.
გიული ალასანია აცხადებს, რომ მკურნალობის პროცესში ამერიკელი ექსპერტების ჩართვა უნდა მოხდეს.
„დღეს MRT გაუკეთდა განმეორებით. დაახლოებით იგივე მდგომარეობა იყო, ოდნავ არის გაუარესება რაღაც უბნებზე. სურვილია, რომ შეუჩერდეს ეს რაღაც იურიდიული მხარე, გადაიდოს და პირველ რიგში, მიეხედოს მის ჯანმრთელობას. ამერიკის ჩართულობა უსათუოდ უნდა მოხდეს, უკვე ფაქტობრივად ჩართულები არიან. უკვე მქონდა სატელეფონო კავშირი ერთ ფსიქიატრ-ნევროლოგთან. მიიღო უკვე ლიცენზია და ველოდებით სხვებისთვისაც ლიცენზიებს, რომ პროცესში ჩაერთონ“, – აცხადებს მიხეილ სააკაშვილის დედა.
კომენტარები