“მოკლული მთელი არსებით ამართლებდა უდანაშაულო ადამიანების ხოცვა-ჟლეტას უკრაინაშიც და საქართველოშიც”

ჟურნალისტი დაჩი გრძელიშვილი სოციალურ ქსელში პოსტს აქვეყნებს.

“ფაშისტური რუსეთის ჯალათებმა ასობით ბავშვი წართვეს დედებს და რუსეთში,ბანაკებში წაასხეს “დენაციფიკაციისთვის”. ვინც ახლა დუგინის თანაუგრძნობთ, მათ დედებზე რატომ არ მოთქვამდით, პაპზე კათოლიკენო??? ასობით უკრაინელი ბავშვი დასახიჩრდა, ან ხელებში ჩააკვდა მშობლებს, როცა ფაშისტური რუსეთის რაკეტებს სარდაფებში ემალებოდნენ. რატომ არ ტიროდით მათი დედ-მამის განცდებზე??? საქართველოში რამდენ დედას ჩააცვეს შავი, დუგინის და მისი შვილის იდეოლოგიით და მოწოდებით?! და ბოლოს, ეს არ იყო მამის გამო შვილის მკვლელობა. მოკლული მთელი არსებით ამართლებდა უდანაშაულო ადამიანების ხოცვა-ჟლეტას უკრაინაშიც და საქართველოშიც. მას თავისი წილი პასუხისმგებლობა ჰქონდა და ანგარიშიც შესაბამისად მიუვიდა.”