„ენგურჰესისა“ და „ვარდნილჰესების“ კასკადის ელექტროენეგიის წარმოების ტარიფი გაძვირდა.
სემეკ-ის სხდომაზე მიღებული გადაწყვეტილების მიხედვით, „ენგურჰესის“ მიერ გამომუშავებული 1 კვტ.სთ ელექტროენერგია 1, 189-დან, 1,496 თეთრამდე გაიზარდა. „ვარდნილჰესის“ კასკადის შემთხვევაშიკი, ერთი კილოვატ საათი ელექტროენერგია 1,17 თეთრის ნაცვლად, 2,88 თეთრი ეღირება.
საქართველოს ენერგეტიკის მინისტრის კახი კალაძე აცხადებს, რომ “ენგურჰესსა” და “ვარდნილჰესების” კასკადზე ელექტროენეგიის წარმოების გაძვირება სამომხარებლო ტარიფზე არ აისახება.
„ეს სამომხმარებლო ტარიფებზე არ აისახება. ჩვენთვის“ ენგურჰესი“ არის ძალიან მნიშვნელოვანი ჰიდროელექტროსადგური, რადგან ამ სადგურის გამართული მუშაობა მთლიანად ენერგოსისტემისთვის არის მნიშვნელოვანი. გადაწყვეტილება, რომელიც მარეგულირებელმა კომისიამ მიიღო, არის პრინციპულად მნიშვნელოვანი. ჩვენ ასევე ვგეგმავთ მარტი, აპრილში გავაჩეროთ ეს ჰიდროელექტროსადგური, რადგან გარკვეული სარეაბილიტაციო სამუშაოების განხორციელების აუცილებლობაა.
გამრიცხველიანება აფხაზეთში ერთ-ერთი მნიშვნელოვანია, რათა მოხდეს აღრიცხვა ელექტროენერგიის მოხმარების, მოხდეს გადასახადების დაწესება, როგორც ეს ნორმალურად ხდება ნებისმიერ ენერგეტიკულ სექტორში. ამ მიმართულებით მუშაობა მოგვიწევს“,-განაცხადა კალაძემ.