საქართველოში ამ დროისთვის, გრიპის 46 შემთხვევაა ლაბორატორიულად დადასტურებული – ამის შესახებ დღეს გამართულ პრესკონფერენციაზე დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა.
ამირან გამყრელიძის ინფორმაციით, სამკურნალო დაწესებულებეში მიმართვიანობის მაჩვენებელმა იმატა.
მისი განმარტებით, A ტიპის H3 ვირუსი შედარებით მსუბუქად მიმდინარეობს და ძლიერი გართულებებით არ გამოირჩევა, როგორც H1N1.
„რთული შემთხვევები არ არის მომატებული, თუმცა ჰოსპიტალიზაციის შემთხვევა 16 %-ით მომატებულია, ამიტომ რადგან ეს სეზონური გრიპი ყველა წელსაა, მოსახლეობამ იცის, მაგრამ ისევ ვიმეორებ, რომ გრიპის პროფილაქტიკისთვის საუკეთესო მეთოდი გახლავთ გრიპის საწინააღმდეგო ვაქცინაცია.
ჩვენ ყოველწლიურად ვზრდით ფოკუსჯგუფებს ვაქცინაციაზე”, -განაცხადა ამირან გამყრელიძემ.
გამყრელიძე მოსახლეობას რეკომენდაციით მიმართავს, რათა ჩაიტარონ გრიპთან დაკავშირებით ნებაყოფლობითი ვაქცინაცია.