მეორე დღეა რაჭა ტურიზმის ეროვნული ადმინისტრაციის ახალ პროექტს „გემო ფესტს“ მასპინძლობს.
ღონისძიებები ამბროლაურის ცენტრალურ პარკში იმართება. ფესტივალის ფარგლებში სტუმრებს საშუალება აქვთ დააგემოვნონ რაჭული კერძები. ფესტივალზე წარმოდგენილია ადგილობრივი ღვინოც. 15-მდე მეწარმე-ფერმერსა და დიასახლისს წარმოდგენილი აქვს საკუთარი პროდუქცია. ისინი სტუმრებს თანამედროვე და ტრადიციული კერძების ვარიაციებს სთავაზობენ, რაშიც მათ ცნობილი შეფ-მზარეულები დაეხმარნენ. პროექტის მონაწილეებს ამ მიზნით ერთი თვის განმავლობაში ტრენინგები ჩაუტარდათ.
ამასთან, გათვალისწინებულია გასართობი ღონისძიებები ბავშვებისთვის. დღევანდელი დღე კი გალა-კონცერტით დასრულდება.
„გემო ფესტის“ გამართვის მიზანი ადგილობრივი სამზარეულოს პოპულარიზაცია და გასტროტურიზმის განვითარებაა.
კომენტარები