“კანონი და სამართლის“ ლიდერი თამარ ჩარკვიანი “ტვ პირველის” ეთერში , მეუფე იაკობის ქადაგებას გამოეხმაურა და აღნიშნა, რომ სასულიერო პირს უფრო მეტი რიდი და მოკრძალება მართებს.
“მუდმივად ძველი ბიჭის სლენგით რომ გამოდის და ხშირად ავად სახსენებელ 90-იან წლებს ახსენებს, სულ მგონია, რომ მოენატრა. საერთოდ ზედმეტს იღებს თავზე ბატონი იაკობი. მე მას დიდი ხანია არ მოვიხსენიებ, როგორც სასულიერო პირს, იმიტომ რომ მეტი რიდი და მოკრძალება მართებს ადამიანებთან საუბრის დროს სასულიერო პირს. ცოტა ფრთხილად ისაუბროს, მუქარის ტონი არ ეკადრება მას, შემწყნარებლობა არის ჩვენი სარწმუნოება და არა წამქეზებლობა.
იმ ევროკავშირში, როცა შევა ქვეყანა, ამ ტიპის მოძღვრების, ამ ტიპის განცხადებები, პირდაპირ გეტყვით, დასჯადია” _ განაცხადა თამარ ჩარკვიანმა.
მეუფე იაკობმა ქადაგებაში აღნიშნა,რომ ეკლესია და ქართველი ხალხი არავის მისცემს უფლებას ქვეყანა არიოს. ავტორიტეტი არ შერჩათ ჩვენს პოლიტიკოსებს, რომ ხალხი გაიყოლიონ.