მესტიის მუნიციპალიტეტში, კლდის ფერდობზე ხანძრის სალიკვიდაციო სამუშაოები გრძელდება. ადგილი, სადაც ხანძარი გაჩნდა, ტექნიკისთვის მიუვალია და მეხანძრე- მაშველები ფეხით გადაადგილდებიან.
ხანძრის ქრობის პროცესში დილიდან ჩაერთო ვერტმფრენი. როგორც საქართველოს პირველ არხს სამეგრელო-ზემო სვანეთის რეგიონში სახელმწიფო რწმუნებულის მოადგილე ნინო ვიბლიანმა განუცხადა, სამუშაოებში უახლოეს საათებში მეორე ვერტმფრენიც ჩაერთვება. ხანძარი ალპურ ზონაში გაჩნდა. ამ დროისთვის, ძირითადი კერები უკვე ლიკვიდირებულია, თუმცა არის დაკვამლიანება.
როგორც აღინიშნა, დასახლებულ პუნქტებს არანაირი საშიშროება არ ემუქრება.
კომენტარები