მიმდინარე წლის განმავლობაში ნაძალადევის რაიონში სკვერების დაზიანებული ინფრასტრუქტურის რეაბილიტაცია 22 მისამართზე განხორციელდა. მათ შორის, სრულად განახლდა ზღვისუბნის მე-4 მ.რ. N6 კორპუსის მიმდებარედ და მე-11 მ.რ. მე-3 კვ. N47 კორპუსთან არსებული საბავშვო გასართობი მოედნები. ორივე მისამართზე მოეწყო კაუჩუკის საფარი და დაზიანებული ატრაქციონები რეაბილიტირდა. ასევე, სამ მისამართზე შეკეთდა სავარჯიშო ტრენაჟორები.
დაზიანებული საპარკე ინფრასტრუქტურის აღდგენა-განახლება ამ ეტაპზე 17 მისამართზე მიმდინარეობს. სკვერებისა და ფიტნეს ზონების რეაბილიტაციის ტენდერის ღირებულება 200 000 ლარს შეადგენს. აღნიშნულ თანხას ნაძალადევის რაიონის გამგეობა წლის ბოლომდე გახარჯავს.
კომენტარები