“ახალი თაობის” დამფუძნებელი, ჟურნალისტი სოსო გოგინაშვილი გარდაიცვალა.
ინფორმაციას ამის შესახებ “ახალი თაობის” რედაქტორი ლალი ასლანიშვილი აქვეყნებს.
“პირველი ჩემი წერილი 1995 წლის 19 აგვისტოს, ფერიცვალება დღეს დაიბეჭდა „ახალ თაობაში“. სხვა საქმიდან სხვა საქმეში მოვდიოდი, ბევრჯერ ძალიან მიჭირდა…
ასჯერ შეგეძლო აგეხსნა, რა კითხვა ჯობდა დამესვა რესპოდენტისთვის და სად ჯობდა მძიმის დასმა.
გათენებამდე „კერესინკის“ და სანთლის შუქზე ვაკეთებდით გაზეთს და დილამდე ველოდებოდით თითო ნიუსს.
გაზეთში რომ ახლა კაცი ფულს გადაიხდის, იმას როგორ შეიძლება გადაუმოწმებელი ინფორმაცია მიაწოდოვო, იტყოდი ხოლმე.
იყო ბევრი დარდი და ბევრი სიხარულიც… მაგრამ იყო მთავარი უღალატობა, სრული თავისუფლება და შენი დევიზი – სიტყვას დიდი ძალა აქვს.
96 წელს შენს გაკვალულ კვალში ჩამაყენე… და მოგდევ აგერ 26 წელია… ისე აგვერია როლები, რომ „ახალი თაობის“ სიყვარულშიც გეჯიბრებოდი, დღე არ გასულა მე და შენ, მასალის სათაურზე, საიტის ნიუსზე არ გვეკამათა, საქმეზე არ გველაპარაკა. ვაა, ძლივს არ შევთანხმდითო, მეტყოდი ხოლმე.
და ახლა როგორ გითხრა მშვიდობით 😭😭
ენითაუწერელია ისე მიჭირს😭😭😭
მიჭირს, სოსო, რომ შენი დაკრძალვის დღე უნდა დავწერო😭
პანაშვიდი: 4, 5 სექტემბერს 6 საათზე;
გამოსვენება: 6 სექტემბერს 3 საათზე;
მისამართი: დიდი დიღომი, პეტრიწის 10; მე-10 სართული”
საინფორმაციო სააგენტო “ექსკლუზივ ნიუსი” მწუხარებას გამოთქვამს კოლეგის გარდაცვალების გამო და მის ოჯახს სამძიმარს უცხადებს.
